سەرۆک مەسعوود بارزانی ب بۆنەیا ھاتنا جەژنا نەورۆزێ پەیامەک بەلاڤ کر و تێ دا گەرمترین پیرۆزباھیێن خوە پێشکێشی مالباتێن سەربلندێن شەھیدان، پێشمەرگەیێن قەھرەمان و وەلاتیێن خوەشدڤی یێن کوردستانێ ل ناڤخوە و دەرڤە و ھەموو پەرچەیێن کوردستانێ کر.
د پەیاما سەرۆک بارزانی دا ھات: “ب ھەلکەفتا ھاتنا جەژنا نەورۆز و سەرێ سالا 2722یا کوردی گەرمترین پیرۆزباھیێن خوە پێشکێشی مالباتێن سەربلندێن شەھیدان و پێشمەرگەیێن قەھرەمان و وەلاتیێن خوەشدڤیێن کوردستانێ ل ناڤخوە و دەرڤە و ھەموو پەرچەیێن کوردستانێ دکەم و ھێڤیا خوەشی و کامەرانیێ ژ بۆ وان دخوازم”.
ھەروھا سەرۆک بارزانی ھێڤی خواست کو ئەڤ جەژن جھێ خێر و ئارامی و بەختەوەریا ھەموو ئالیان بیت و ئاشتی و برایەتی ب سەر وەلاتێ مە و ناڤچەیێ دا بینیت.
