پێگەھەکا مەدیایی یا یەنەکێ ب ناڤێ بافل و یەنەکێ گەفا ل پەدەکێ دکەت کو ئەگەر بەربژێرێ پەدەکێ بۆ سەرۆک کۆمارێ ئیراقێ دەرکەڤیت، وی دەمی هەولێر دێ رووبروویێ ئێریشێن ئیران و میلیشیایێن حەشدا شەعبی بیت و دێ زیانێ گەھینن پەدەکێ.
پێگەھا تالەبانی یا تۆرا جڤاکییا فەیسبۆکێ کو وەک زمانحالێ «بافل تالەبانی» خوە پێناسە دکەت، د پۆستەکێ خوە دا ئاماژە ب وێ یەکێ کریە کو ئەگەر شەمبیێ جڤینا پارلامەنتۆیا ئیراقێ ھاتە کرن و کاندیدێ سەرۆکۆمارتیێ یێ پەدەکێ سەربکەڤیت، وی دەمی «بافل تالەبانی» سەرکەفتی بوویە، ژ بەر کو تەسلیم نەبوویە و پەدەکە دێ باجەکا گران دەت، ژ بەر کو ئیران و میلیشیایێن حەشدا شەعبی دێ ئێریشی هەولێرێ کەن و پەدەکە دێ زەرەرمەند بیت.
ھەتا ناھا ئیرانێ و میلیشیایان 9 جاران ئێریش ب مووشەک و درۆنان و ب ئاوایێن جودا ئێریش کرنە سەر ھەولێرا پایتەختا ھەرێما کوردستانێ.
ئەڤە جارا دویەمینە د سۆسیال مەدیایا فەرمی یا یەنەکێ دا ئەڤ جورێن تەهدیدان دهێنە کرن، بەری نها ژی پێش ئێریشا مۆشەکی یا ل سەر هەولێرێ کو ئیرانێ 14 مۆشەک ئاراستەی هەولێرێ کربوون سۆسیال مەدیایا فەرمی یا یەنەکێ گەف ل هەولێرێ کربوون کو ئەگەر سەرۆک کۆمار نەبیتە بەهرا یەنەکێ، ئیران دێ ب مۆشەک و حەشدا شەعبی ژی ب درۆنان ئێریشی هەولێڕێ کەن.
