رێخستنا په‌كه‌كێ ب نیازه ل رۆژێن پێش چه‌ندین كریارێن ته‌رۆریستی ل باشوورێ كوردستانێ ب تایبه‌ت ل كانی ماسێ ئه‌نجام بده‌ت، هه‌روه‌ها بۆرییا په‌ترۆلا كوردستانێ بته‌قینیت.
ژ بۆ ئه‌نجام دایینا هن كارێن ته‌رۆریستی ل باشوورێ كوردستانێ، رێخستنا په‌كه‌كێ كه‌تییه ناڤا هه‌ولێن مه‌زن دا، ته‌رۆر كرنا هنه‌ك ئه‌فسه‌رێن پایه‌بلند یێن هێزا پێشمه‌رگه، ته‌قاندنا بۆریا كو په‌ترۆلا كوردستانێ دشینه تركیێ، ژ وان كارێن ته‌رۆریستی یه كو په‌كه‌كه پلان دكه‌ت ل رۆژێن پێش مه ئه‌نجام بده‌ت.
چاڤكانیێن پێگه‌ها «داركا مازی» ئه‌شكه‌ره كرنه، هێزێن ئه‌وله‌هیێ یێن باشوورێ كوردستانێ كو ئاگاهی ل سه‌ر ڤێ نیه‌تا په‌كه‌كێ ب ده‌ست خستنه، ژ مێژ ڤه یه، ته‌دبیرێن پێویست گرتنه به‌ر ژ بۆ كو پێشیی ل ڤێ پیلانا ته‌رۆریستی یا په‌كه‌كێ بگرن.
ئاژانسا فه‌رمی یا رێخستنا په‌كه‌كێ ANFێ ئیرۆ رۆژا یه‌كشه‌مبی 27\3\2022ێ ئاگاهی پارڤه‌كرنه و باس ل ته‌قاندنا بۆرییا په‌ترۆلا كوردستانێ، ته‌رۆركرنا 3 ئه‌فسه‌رێن پایه‌بلند یێن هێزا پێشمه‌رگه و هه‌روه‌ها ته‌قاندنا ئۆتۆبیسه‌كا سڤیل كرییه.
ل گۆری ئاژانسا ANFێ، ل ناڤه‌راستا مه‌ها نیسانێ یا ئیسال 2022ێ، ئه‌ڤ كریارێن ته‌رۆریستی دێ هێنه ئه‌نجام دایین.
چاڤكانیێن تایبه‌ت یێن پێگه‌ها «داركا مازی» ل باشووری كوردستانێ ئه‌شكه‌ره كرنه، په‌كه‌كه ل رۆژێن پێش مه و د چارچووڤه‌یا پیلانه‌كا خه‌ته‌ر دا كو ژ بۆی ده‌ڤه‌را «به‌هدینان» ئاماده كرییه، دخوازه هنه‌ك ناڤچه و گوندێن دن یێن ڤێ هه‌رێمێ بكه‌ته مه‌یدانا شه‌ر و ئارتێشا پێتر كێشی ده‌ڤه‌رێ بكه‌ت، ژ بۆی پێشی گرتنا ل ڤێ پیلانێ ژی، پێشمه‌رگه و هێزێن ئه‌وله‌هیێ ته‌دبیران دستینن.
