رێخستنا په‌كه‌كێ ئیرۆ ناسنامه‌یا سێ جوانێن كورد ئاشكه‌را كر كو ل سالا رابووری ب ده‌ستێ عه‌سكه‌رێ ترك دانه كوشتن و ژ نوو ئیرۆ هاتییه مرنا وان راگه‌هاندییه.
رێخستنا په‌كه‌كێ هه‌ر ل ناڤبه‌را چه‌ند رۆژان ناسنامه‌یا كۆمێن زارۆك و جوانێن كورد ئاشكه‌را دكه‌ت یێن كو ل سالێن به‌رێ ب ده‌ستێ عه‌سكه‌رێ ترك فه‌دا كرنه و پاش ده‌رباسبوونا چه‌ندین سالان ژ نوو دهێت و مرنا وان رادگه‌هینیت.
ئیرۆ رۆژا یه‌كشه‌مبی27\3\2022ێ رێخستنا په‌كه‌كێ ناسنامه‌یا 3 جوانان ب ناڤێن ئه‌ڤین، مه‌زلووم و كووبیلای ئاشكه‌را كر كو ل ئیلۆنا سالا 2021ێ ل هه‌ره‌كۆلێ د هێرشێن ده‌وله‌تا ترك دا ژیانا خوه ژ ده‌ست دانه، لێ به‌لێ پاش ده‌رباسبوونا 6 مه‌هان ژ نوو هاتییه و مرنا وان راگه‌هاندییه.
رێخستنا په‌كه‌كێ ژ بۆ چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار پا‌رچه‌یێن كوردستانێ دكه‌ت و ئه‌ڤ یێك ژ هێلا رێخستنێن ناڤده‌وله‌تی و یێن پاراستنا مافێن زارۆكان ته‌سبیت كرییه.
په‌كه‌كه هه‌ر رۆژ جوانێن كورد ب ده‌ستێ عه‌سكه‌رێ ترك دده‌ته كوشتن و مرنا وان ڤه‌دشێریت، ب ڤی ره‌نگی ژی مالباتێن وان د خاپینیت، لێ پاش ده‌رباسبوونا چه‌ندن سالان ژ نوو دهێت و دبێژیت مه هه‌ڤالێن خوه وه‌ندا كرنه.
