ھات راگھاندن کو شەڤا بۆری ئاڤاھیا رێخستنا ھدپێ یا ل ناڤچەیا ئەردەملی یا باژارێ «مێرسینێ» راستی ئێریشەکا ب چەکان ھاتیە.
ل گۆری زانیاریان کەسێن کو ناسنامەیا وان نەھاتیە زانین، گولـلە ب تابلۆیا ئاڤاھیێ ھەدەپێ یێ ئەردەملییێ دا تەقاندنە کو رێڤەبەرێن ھەدەپێ ئیرۆ دانێ سپێدی دەما چوونە ئاڤاھیێ ب بوویەرێ ھایدار بوونە و جەندەرمە ئاگاھدار کرنە.
پشتی ئێریشا سەر ئاڤاھیێ ھەدەپێ داخویانیەک ژ ئالیێ رێڤەبەرێن ھەدەپێ ڤە ل بەر دەریێ ئاڤاھیێ ھات دایین و ئێریش ھات شەرمەزارکرن.
رێڤەبەرێن ھەدەپێ ب وێ ئێریشێ ئەندامێن پارتیا نەتەوەپەرەستا ترکیێ (مەھەپێ) تۆھمەتبار کرن و گۆتن، بەریا نھا سالا 2016 ژی ئێریش کرنە و ئەو ژ وان ئێریشان ناترسن.
ھێژایی ببیرخستنێیە، د سەری دا ل «ستەنبۆلێ» بەریا نھا گەلەک جاران ئێریش ب سەر ئاڤاھیێن ھەدەپێ دا ھاتنە کرن کو ئەو کەسێن ئێریشکار خوە وەکی نەتەوەپەرەستێن ترک ددەنە ناسکرن.
