ل بەرواری بالا هرچێ 7 مال تێک دان
![بهرواری بالا-هرچ-پهكهكه-berwari bala-hirc-pkk-turkey](https://darkamazi.net/file/2022/03/%D8%A8%D9%87%E2%80%8C%D8%B1%D9%88%D8%A7%D8%B1%DB%8C-%D8%A8%D8%A7%D9%84%D8%A7-%D9%87%D8%B1%DA%86-%D9%BE%D9%87%E2%80%8C%D9%83%D9%87%E2%80%8C%D9%83%D9%87%E2%80%8C-berwari-bala-hirc-pkk-turkey.jpg)
پشتی ڤالاکرنا گوندێ ئورە ژ بەر مەترسیا تۆپباران و بۆردومانێن ترکیێ، هرچ کەتییە ناڤا گوندی و مالێن 7 وەلاتییان تێک داینه.
گوندێ ئۆرە دکەڤیتە ناڤچەیا بەرواری بالا یا سەر ب قەزایا ئامێدیێ ڤە ل پارێزگەها دهۆکێ.
موختارێ گوندێ ئورە ئەحمەد ئۆرەیی ژ رووداوێ را راگههاند، وان ژ بەر شەرێ پهكهكێ و ئارتێشا ترکیێ، هەروهها بۆردومان و تۆپبارانێ گوند ڤالا کربوون.
موختارێ گوندی دبێژیت: دەما هندەک مالباتان سەرهدانا گوندی کرین، دیتن کو دەریێن مالێن وان شکەستینە، کەلوپەلێن وان هاتینە تێکدان، مێشێن هنگڤینی هەموو هاتینە تێکدان و شۆپێن هرچێ د ناڤا گوندی دا د دیار بوون.
ئەحمەد ئۆرەیی دا خویاکرن، ئەو نزانن کەنگی هرچێ هێرشی سەر مالێن وان کرییە ژ بەر کو ئەڤه 97 رۆژن وان گوند ڤالا کرییە.
هەروهها ژ بەر بۆردومانێن ترکیێ، خەلک نەچار ماینە کو رێیا گوندێ خوە بگوهۆرن، لێ ژ بەر بهفر و بارانێ رێیا وان تێک چوویە.