ئیرۆ مالپەرا فەرمی یا پەدەکێ راگەھاند کو چەند رۆژە چاپەمەنیا سەر ب پەکەکێ راپۆرتەکا بێ بنگەھ دەربارێ پەدەکێ دا بەلاڤ کریە و ئارمانجا وێ راپۆرتێ ژی ئاڤاکرنا ترس، نەسەقامگیری و ژ رێ دەرخستن و بەرەڤاژی کرنا رایا گشتییە.
ھەروەھا ھات راگەھاندن، چاپەمەنیا سەر ب پەکەکێ ب فال ڤەکرن و خواندن و پێشبینیێن بێ بنگەھ کو مرۆڤ عەجێب گرتی دبیت، بەحسا وێ یەکێ دکەت کو د 15ێ نیسانا 2022یێ دا د چارچۆڤەیا پلانەکێ دا دێ ئێریشێ سەر پەکەکێ هێتە کرن.
مالپەرا فەرمی یا پەدەکێ راگەھاند، ئەو گۆتەگۆت و راپۆرت نەراستن و ب ئاقلەکێ نەفرەت و نەراست گۆتنان ڤە ھاتیە نڤیساندن و ئەم دبێژینە وان: “15 نیسانێ زێدە نەمایە و ئەم دێ ل بەندێ بین. وێ دەمێ دەرەو و نەراست ئاخافتنا وە و تەڤلیھەڤی دەرخستنا وەیا ژ بۆ خەلکێ کوردستانێ دێ ئاشکەرا بیت و کا روویێ راست یێ کێیە دێ ژ بۆ گەل دیار بیت.”
ھات تەکەز کرن کو سیاسەتا پەدەکێ ل ھەمبەر ھەموو پرسان گەلەک ئاشکەرایە و پلانگەری و تەڤلھەڤی ل هەوە و یێن وەک هەوە چێدبن نە ژ خەلکێ دن.
