ئارتێشا تركیێ ل چیایێ باگۆکێ د ناڤ سینۆرێن ناڤچەیا نسێبینێ یا سەر ب پارێزگەها مێردینا باکورێ کوردستانێ، دەست ب ئۆپەراسیۆنەکێ ل دژی په‌كه‌كێ کر.
ل گۆر زانیاریێن د مەدیایا ترکیێ دا بەلاڤبوونە، دوهی 29ێ ئادارا 2022ێ د دەمژمێرێن ئێڤاری دا، ئارتێشا ترکیێ ل چیایێ باگۆکێ د ناڤ سینۆرێن ناڤچەیا نسێبینێ دا، ب بەشدارییا ب سەدان لەشکەران ئۆپەراسیۆنەک دا دەست پێ کرن.
ل گۆر ئاگاهییان لەشکەرێن ئارتێشا ترکیێ د چارچۆڤەیا ئۆپەراسیۆنێ دا ل ناڤچەیێ دەست ب چێکرنا چەپەران کرن و کەتن گوندێ مارینێ یێ ل ناڤچەیێ ژی و پشتی دەمەکێ ژ گوندی دەرکەتن.
هات راگه‌هاندن کو هەتا نها ل ناڤچەیێ چ رووبرووبوونەک ل ناڤچەیا ئۆپەراسیۆنێ پێکنەهاتییە و لەشکەران ل وێرێ دەست ب کار و گه‌رێن چاڤدیریێ کرنە.
