ئەندامێن رێخستنا جوانێن پهكهكێ یێن رۆژئاڤا كوردستانێ، جوانێن شۆرەشگەر ل حهلهبێ 3 کەچێن کورد ژ بهر دهریێ خواندنگههێ رهڤاندن و ژ بۆ سهربازگههێن منبجێ ڤهگوهاستنه.
ل رۆژئاڤا، چالاکڤانەکی کورد پشتراست کر کو رێخستنا “جوانێن شۆرەشگەر” یا گرێدای پارتییا کارکەرێن کوردستانێ، سێ زارۆکێن کورد ل باژارێ حهلهبێ رەڤاندن.
چالاکڤانێ سیاسی مستەفا شێخۆ بۆ باسنیۆز ئاخڤی و گۆت: «رێخستنا جوانان یا سەر ب پهكهكێ ڤە کەچا 16 سالی یا ب ناڤێ روسل محەمەد شێخۆ ل بەر دهرگههێ خواندنگهها وێ یا ل تاخا شێخمەقسوود یا رۆژهلاتێ حهلهبێ رەڤاندن.
شێخۆ دا زانین، روسل كود ل پۆلا 9ێ یه، بۆ كهمپهكا لهشكهری ل منبجێ هاتییه برن و گۆت: وێ گهلهك ههول دان كو بهێته ڤهگهراندن، لێ بهلێ جوانێن پهكهكێ دهستوور نهدانێ.
ڤی چالاكڤانێ كورد ههروهها پشتراست كر كو رێخستنا جوانێن پهكهكێ ههر ل تاخا شێخمەقسوود ل بەرهەمان خواندگههێ، 2 کەچێن دی یێن بچووک رەڤاندینه، لێ هەتا نها مە ناڤێ وان نهزانی یه”.
چالاکڤانێ کورد مستەفا شێخۆ دیار کر کو د سهر ههموو نهرازیبوونان را، لێ پهیهده و پهكهكه ههر ل سهر رهڤاندنا زارۆكان ل رۆژئاڤا كوردستانێ بهردهوامه.