جۆ بایدن: ھەرێما کوردستانێ ھەڤبەشەکا گرنگا ئامەریکایێیە

جۆ بایدن: ھەرێما کوردستانێ ھەڤبەشەکا گرنگا ئامەریکایێیە

سەرۆکێ ئامەریکایێ «جۆ بایدن» دیار دکەت کو ھەرێما کوردستانێ ھەڤبەشەکا گرنگا ئامەریکایێیە و پابەندیا بەردەوام و دەمدرێژا وەلاتێ خوە ژی  ژ بۆ ئارامی و سەقامگیریا ئیراق و ھەرێما کوردستانێ نیشان دا.

ل گۆر داخویانیا سەرۆکاتیا ھەرێما کوردستانێ یا ل سەر ڤێ مژارێ، ئەڤ گۆتنە د نامەیەکێ دا بۆ سەرۆکێ ھەرێما کوردستانێ نێچیرڤان بارزانی ھاتنە و سەرۆکێ ئامەریکایێ تەکەز کریە کو “ئێریشا مووشەکی یا سەر ھەولێرێ شەرمەزار دکەت و پەسنێ ھەڤاھەنگیا بھێز و دووروودرێژا ھەرێما کوردستانێ و ئامەریکایێ نیشان دایە، ھەروھا پابەندیا ئامەریکایێ ژ بۆ بەردەوامیا پشتگریا ھێزێن ئەولەھیێ یێن ئیراقێ و پێشمەرگە، جارەکا دن ئانیە زمان”.

د بەشەکێ دن یا نامەیێ دا جۆ بایدن تەکەز کریە کو ئامەریکا ھەرێما کوردستانێ ئارام، سەقامگیر و گەش، وەکە بەشەکێ سەرەکی ژ بۆ ئیراقەکا سەقامگیر و گەش دبینیت.

د داویا نامەیێ دا ژی سەرۆکێ ئامەریکایێ جەژنا نەورۆزێ ل نێچیرڤان بارزانی و ھەموو گەلێ کوردستانێ پیرۆز کریە.

پوستێن ھەمان بەش