پشتی بریارا وەزیرێ پێشمەرگە یا ل سەر جارەکا دن سازکرنا سەنگەرێن پێشمەرگە و ئاڤاکرنا وان ب ئاوایەکێ سەربازی یێ سەردەمی، ب رێیا ئالیکاری و فەرمانا سەرۆکاتیا ھەرێمێ، پرۆسەیا سەنگەرسازیا پێشمەرگە بەردەوامە.
وەزارەتا پێشمەرگە داخویانیەک بەلاڤ کر و راگھاند؛ ژ بۆ ژ نێزیک ڤە ئاگاھداربوونا ل چاوانیا ئەرک و کارێ پرۆسەیا سەنگەرسازیێ، ئیرۆ 30ێ ئادارا 2022یێ جیگرێ سەرۆکەرکان بۆ ئۆپەراسیۆنان لیوا «قارەمان شێخ کەمال» تەڤی رێڤەبەرێ پەروەردەیا سەربازی یێ وەزارەتا پێشمەرگە لیوا «عەبدولاھ » و لژنەیا راسپارتییا سەنگەرسازیێ، سەردانا سەنگەرێن ھێزێن پێشمەرگەیێن ل میحوەرێن یەک و دو کرن.
د داخویانیا وەزارەتا پێشمەرگە دا ھات دیارکرن؛ د ڤێ سەردانێ دا جیگرێ سەرۆکەرکان بۆ ئۆپەراسیۆنان، پەسنێ ئەرک و کارێ لژنەیا سەنگەرسازیێ کر و ل کێماسی و کێشەیێن ل بەر ڤێ پرۆسەیێ پرسی.
جیگرێ سەرۆکەرکان راگھاند: “ئەڤ پرۆسە ژ بۆ پاراستنا جانێ یەک ب یەکێ پێشمەرگە و توندکرنا سەنگەر و بارەگەھێن ھێزێن پێشمەرگەیە.”
