ئیرۆ ژی رێخستنا په‌كه‌كێ ناسنامه‌یا سێ زارۆکێن كورد ئاشكه‌را كر كو ب ده‌ستێ لەشکەرێن ترك دانه كوشتن.
تەڤی کو رۆژ ناچە پەکەکە تێ دا باس ل سەرکەتنا خوە د ئەنیێن شەر دا نەکە، لێ رۆژانە ناسنامەیێن هندەک زارۆکێن کورد ئاشکەرا دکە کو ب دەستێ لەشکەرێ ترکیێ دانە کوشتن، وەکە د وێنەیێن ڤان گەریلایان دا تێ خوەیا کرن تەمەنێ هیچ یەک ژ وان ژ 18 سالیێ دەرباس نەبوویە و ل گۆرەی رێخستنا پەکەکێ بیت ئەو د ژیێ د نێڤبەرا 13-14 سالیێ دا تەڤلی رەفێن پەکەکێ بوونە.
رێخستنا په‌كه‌كێ ئیرۆ رۆژا پێنجشەمی 31\3\2022ێ ناسنامه‌یا 3 جوانان ب ناڤێن «دیلان بایجان، هێڤیدار بیلگیچ و شاهین تاشکن» ئاشكه‌را كر كو ل 23یێ مەها چلە یا ئیسال د ئێرشێن ده‌وله‌تا ترك دا ژیانا خوه ژ ده‌ست دانه.
تەڤی کو رێخستنا پەکەکێ بانگا «براتیا گەلان» دکە، لێ بەلێ، ژ بۆی ڤێ یەکێ ب تەنێ زارۆک و جوانێن کورد ب کوشتن ددە و هەیا نها ناسنامەیا هیچ گەریلایەکێ ئاشکەرا نەکریە کو ترک بیت و هاتبیتە کوشتن. پەکەکە ژ تەڤ پارچەیێن کوردستانێ زارۆیێن کوردان درەڤینیت و وان قوربانی بەرژەوەندیێن خوە دکەت.
پەکەکە ل دەما ئاشکەرا کرنا ناسنامەیا گەریلایێن ب دەستێ لەشکەرێن دەولەتا ترکیێ دایی کوشتن دا باس ل هەر تشتی دکە، لێ بەلێ، ب چ رەنگان باس ل تەمەنێ وان و رۆژا ژ دایک بوونا وان ناکە، ئەڤ ژی ژ بۆ ڤێ یەکێ یە هەیا کو ژ ئالیێ سازیێن ناڤنەتەوی یێن گرێدایی مافێن زارۆکان ڤە نەیێ رەخنەکرن، لێ بەلێ ب دەهان جاران ژ ئالیێ ڤان سازیان ڤە پەکەکە ب رەڤاندنا زارۆکان و چەکدارکرنا وان یا ب زۆرێ هاتیە تاوانبارکرن.
