55 رۆژ ل سەر رەڤاندنا رۆژنامەڤان «سەبری فەخری» نووچەگەھانێ ئازادیا رۆژئاڤایێ کوردستانێ، ئارک تیڤی و رێباز نیوس، ھەروەھا ھەردو رۆژنامەڤان «دارا عەبدۆ و ئەحمەد سۆفی» کو ئەو ژی نووچەگەھانێن ئارک و رێباز نیوسن، کو 40 رۆژ ل سەر رەڤاندنا وان، ژ ئالیێ چەکدارێن پەیەدێ دەرباس دبن، هێژ ژی چارەنڤیسا وان نە دیارە و پەیەدێ ب تۆمەتێن نەراست ئەو بنچاڤ کرنە.
د 19ێ شوباتا 2022یێ دا چەکدارێن پەیەدێ رۆژنامەڤان «دارا عەبدۆ» ژ باژارێ «حەسەکێ» ھەروەھا «ئەحمەد سۆفی» ژ گوندێ «بانە قەسرێ» یێ سەر ب باژارێ «دێرکا» یێ رۆژئاڤایێ کوردستانێ رەڤاندن. ھەروەھا رۆژنامەڤان «سەبری فەخری» کو ژ 5ێ مەھا بووری ژ باژارێ «قامشلۆ» ب تۆمەتێن دوور ژ راستیێ رەڤاند، ب شێوەیەکی ھۆڤانە ھەرسێ رۆژنامەڤان رەڤاندن.
رۆژنامەڤان ئەندامێن پارتیا دەمۆکراتا کوردستان – سووریا پەدەکە-سێ نە «سەبری فەخری و ئەحمەد سۆفی» وەکە ئەندامێن ئەنجوومەنا ھەرێمی د پارتی دا جھێ خوە دگرن، و «دارا عەبدۆ» ئەندامێ ئەنجوومەنا شاخی یا پارتییە.
ژ بلی رۆژنامەڤانان ب دەھان ژ خەباتکاران د زیندانێن پەیەدێ دانە و چارەنڤیسا وان نە دیارە کو «عەبدولغەفار محەمەد» ئەندامێ ئەنجوومەنا ھەرێمی د خوەجھیا شەھید «نەسرەدین برھک» دا کو د 21ێ نیسانا سالا بووری 2021ێ ھاتیە رەڤاندن، تا نھا تو ئاگاھی ل سەر وان تونە نە.
