ئارتێشا ترکیێ ل چیایێ باگۆکێ یێ ناڤچەیا نسێبینێ و ل هەرێما ئۆمەریان دەست ب ئۆپەراسیۆنەکێ ل دژی رێخستنا په‌كه‌كێ کر.
ل چیایێ باگۆکێ یێ ناڤچەیا نسێبینێ و هەرێما ئۆمەریان یا د ناڤبەرا مدیاد، ئۆمەریان و ئارتووکلوویێ ل پارێزگەها مێردینێ، ئارتێشا ترکیێ دەست ب ئۆپەراسیۆنەکا بەرفرەهـ ل دژی رێخستنا په‌كه‌كێ کر.
ل گۆری زانیاریان ئارتێشا ترك هەژمارەکا زێدە یا سەربازان ڤەگوهاستنە هەرێما چیایێ باگۆکێ و ئۆمەریان.
هاتە دیار کرن کو تەڤی سەربازان گەلەک ئه‌ره‌به‌یێن زریپۆش ژی بۆ هه‌رێمێ هاتن برن و بالافران ژی گه‌رێن چاڤدێریێ ل هه‌رێمێ ئه‌نجام دان، ل گوندێ مارینەیێ ژی چەپەر هاتنە کۆلاندن.
وەزارەتا ناڤخوە یا ترکیێ راگهاند، وان ئۆپەراسیۆنا ب ناڤێ «ئەرەن زڤستان-33» دانە دەستپێکرن.
ل گۆر داخویانیا وەزارەتا ناڤخوە یا ترکیێ، ژ ژاندارمایێن تایبەت، کۆماندۆ و جەردەڤانان 566 کەس و 38 تیم بەشداری ئۆپەراسیۆنێ بوونە.
