فرۆکەیەکا بێفرۆکڤانا ترکیێ، ترومبێلا فەرماندارەکێ هێزێن سووریەیا دەمۆکراتیک هه‌سه‌دێ کره ئارمانج و 2 کەس بریندار بوون.
ناڤەندا راگه‌هاندنێ یا هه‌سه‌دێ بەلاڤ کر، فرۆکەیەکا بێفرۆکڤانا ترکیێ، دوهی ترومبێلا ئەندامێ فەرماندارییا گشتی یا ئەنجوومەنا لەشکەری یا سریانی ئۆرۆم مارۆکی ل باژارێ تل تەمرێ کره ئارمانج.
ناڤەندا راگه‌هاندنێ یا هه‌سه‌دێ دا زانین، ئەندامێ فەرماندارییا گشتی یا ئەنجوومەنا لەشکەری یا سریانی ئۆرۆم مارۆکی و کەسەکی دی کو وەرگێرە بریندار بوون.
ل گۆری داخویانییا ناڤەندا راگه‌هاندنێ یا هه‌سه‌دێ، ئۆرۆم مارۆکی ل گه‌ل هێزەکا رووسی بوو و ئه‌و بەر ب وه‌ستگەها ئەلەکتریکێ یا تل تەمرێ ڤە دچوو.
ئەڤ د دەمەکی دا یە، رۆژا 1ێ نیسانێ هه‌سه‌دێ راگه‌هاندبوو، د هێرشەکا فرۆکەیەکا ئارتێشا ترکیێ دا ل سەر رێیا M4ێ یا تربەسپیێ، ئەندامەکی هێزا ئەرکێ خوەپاراستنێ هات کوشتن و 2 کەسێن دی ژی بریندار بوونە.
