سەرۆکێ فراکسیۆنا «پەدەکێ» ل پارلەمەنتۆیا کوردستانێ راگەھاند، «یەنەکە» و پارتیێن دن ناخوازن ھلبژارتن د دەما خوە دا بهێنە کرن.
سەرۆکێ فراکسیۆنا «پەدەکێ» «زانا مەلا خالد» ئیرۆ د جڤینەکا رۆژنامەڤانیێ دا راگەھاند، وان چەند جاران گۆتنە و دیسا دێبژن کو «پەدەکە» دخوازیت ھلبژارتن د دەما خوە دا بهێنە کرن و کۆمیسیۆنا ھلبژارتنان ژی ل سەر بنگەھا ھلبژارتنێن 2018ێ بهێتە ئەکتیفکرن.
«زانا مەلا خالد» ھەر وەھا گۆت، ئەم وەک سەرۆکێن فراکسیۆنان پێنج جاران ل سەر ھلبژارتنێن گشتی جڤیان لێ «یەنەکە، یەکگرتوو و کۆمەل و گۆڕان» بەھانەیان تینن و ناخوازن ھلبژارتن د دەما خوە دا بێنە کرن.
«زانا مەلا خالد» بانگ ل سەرۆکا پارلەمەنتۆیێ کر دەست ب جڤینان بکەت و گۆت، ئەم ھشیاریێ ددرینە سەرۆکا پارلەمەنتۆیێ و دبێژینێ، ئەگەر ئەندامێن پارلەمەنتۆیێ نەجڤینە ئەم دێ ب تەنێ و ب فاکتۆرا پرانیا پارلەمەنتەران کۆم بین.
