هات راگهاندن کو ل باشوورێ باژارێ سەرێ کانیێ یێ رۆژئاڤایێ کوردستانێ، گرووپا ئەل-حەمزە یا گرێدایی ترکیێ، ب ئارمانجا تالانکرنێ دو گرێن شوونواری تێک دانە.
ل گۆری چالاکڤانێن خوەجهی، رۆژا دوشەمبێ 4ێ نیسانێ ل باشوورێ باژارێ سەرێ کانیێ، چەکدارێن گرووپا ئەل-حەمزە یا سەر ب ترکیێ ڤە، هەردو گرێن شوونواری یێن «تل ئەل-دەهەب و تل ئەل-فخێرییە» ل گوندێ «تل حسان» ب ئارمانجا تالانکرنێ تێک دانە.
ل گۆر زانیارییان، چەکدارێن وێ گرووپێ ژ بۆ دیتنا تشتێن دیرۆکی ل هەردو گرێن شوونواری دەست ب کۆلاندنێ کرنە و ب وێ یەکێ هەردو جهێن دیرۆکی تێک دانە.
د هەفتەیا داوی یا ئادارێ دە، ل ئەفرینا رۆژاڤایێ کوردستانێ ژی گرووپێن چەکدارێن سەر ب ترکیێ ڤە ل ناڤچەیێن باسووتێ، ترندێ، بیرێ و جویقێ و چەند جهێن جودایێن دن، 7 گرێن شوونواری ب ئارامنجا تالانکرنا شوونواران تێک دابوون.
سەرێ کانیێ باژارەکی رۆژئاڤایێ کوردستانێ یە کو دیرۆکا وێ بۆ بۆ چەند هەزار سالان ڤهدگهریت و و سهردهمێن بهرێ دا ناڤێ وێ واشۆکانی و پایتەختا دەولەتا میتانی بوویە.
د ئێریشا سالا 2019ێ دا، باژارێ سەرێ کانیێ زێدهباری باژارێ گرێ سپی ژ ئالیێ ترکیێ و کۆمێن چەکدارێن سەر ب وی وەلاتی ڤە هاتن داگیرکرن.