ب سووچا په‌كه‌كێ تركیێ 11 كه‌س ل 5 باژاران گرتن

pkk-girtin

ل چار پارێزگەهێن باکورێ کوردستانێ و ترکیێ، 11 کەس سووچا ئەندامه‌تی، کۆمکرنا ئالیکارییا ئابووری و پرۆپاگاندایا په‌كه‌كێ هاتنە دەستەسەرکرن.

ئیرۆ سێشەمبێ ل پارێزگەهێن سەمسوور و ئەرزەرۆمێ یێن باکورێ کوردستانێ و مێرسین، ئیزمیر و ستەنبۆلێ، ب سووچێن جودا یێن وەک ئەندامه‌تی، کۆمکرنا ئالیکارییا ئابووری و پرۆپاگاندایا په‌كه‌كێ، هێزێن ئه‌وله‌هیێ 11 کەس دەستەسەرکرن.

ل پارێزگەها ئەرزەرۆمێ یا باکورێ کوردستانێ 6 كه‌س كو سەرۆکێ رێخستنا پارتیا دەمۆکراتیکا گەلان ژی د ناڤ دا بوو هاتن ده‌سته‌سه‌ر كرن، ئەو شەش کەس ب تۆهمەتا ئەندامه‌تی، کۆمکرنا ئالیکارییا ئابۆری و پرۆپاگاندەیا په‌كه‌كێ هاتنە دەستەسەرکرن.

ل سەمسوورێ، ئیزمیر و مێرسینێ ژی 4 کەس ب تۆهمەتا ئەندامتییا په‌كه‌كێ هاتن دەستەسەرکرن، هەروه‌ها ل باژارێ ستەنبۆلێ ژی مامۆستەیەک ب سووچا کو مرۆڤان بۆ په‌كه‌كێ په‌یدا دكه‌ت، هات دەستەسەرکرن.

پوستێن ھەمان بەش