ئێكه‌تییا زانایێن ئۆلا ئیسلامێ یا کوردستانێ ئیرۆ سێشەمبێ 5ێ نیسانا 2022ێ پەیامەک بەلاڤ کر و ژ خێرخوازان داخواز كر کو هاریكارییا هەژاران بكه‌ن.
ئێكه‌تییا زانایان د پەیاما خوە دا دیار دکەت: «هەر سال ل گەل هاتنا مەها پیرۆزا رەمەزانێ، نه‌ریتا جڤاکا کوردی ب گشتی و مسلمانان ب تایبەتی وه‌سایە کو گیانێ هاریكاری خێر كرنێ دکه‌نه سیمایێ جوانێ جڤاکێ و ب نیەتا رازیبوونا خودێ و ب جهـ گه‌هاندنا ئەرکێن ئۆلی ڤان کاران ئەنجام دده‌ن».
د پەیامێ دا هات دەست نیشان کرن: «ئەم ل ئێكه‌تییا زانایان دەستخوەشیێن مەزن ل هەموو دەزگەهـ و کەسێن خێرخواز و دەولەمەندان دکه‌ین ل هەمبەر ڤان کار و پێنگاڤێن خێرخوازی و ئیمانی و ئینسانی یێن کو پێشکێش دکه‌ن».
هەروه‌ها ئەشکەرە دکەت: «ئەم ب پێویست دبینن کو ژ سەرمایەداران داخواز بکه‌ین، ب زەکات و سەدەقەیێن خوە کەسێن بێسەرپەرشت ژ بیر نەکه‌ن، کو هاریكاریكرنا وان گەلەک ب خێر و کارەکی مەزنێ مرۆڤی یە، د هەمان دەمێ دا ل گۆر شەریعەتا ئیسلامێ دروستە کو زه‌كات ب نەوجەوانان و کەسێن بێسەرپەرشت بهێته دان، ب وی مەرجی کو ژ بۆ خوە خەرج بکه‌ن».
