ل باژارۆکێ ئەبو راسین یێ سەر ب حه‌سه‌كێ ڤە، د ئەنجاما بۆمبەبارانا درۆنەکا ترکیێ ل سەر مالەکا سڤیلان دا، 3 کەس بریندار بوون، ل گوندێ ئەسەدیێ ژی 5 کەس بریندار بوون.
روانگەها سووری یا مافێن مرۆڤان بەلاڤ کر، درەنگی شەڤا بۆری درۆنەکا ترکیێ مالا وەلاتییەکی ل باژارۆکێ ئەبو راسین کره ئارمانج و د ئەنجامێ دا 3 کەس بریندار بوون.
د هەمان دەم دا، کۆمێن چەکدارێن سەر ب ترکیێ ڤە گوندێ ئەسەدیێ ل هەمان ناڤچەیێ تۆپباران کرن و د ئەنجامێ دا 5 کەس ژ مالباتەکێ بریندار بوون کو د ناڤا وان دا زارۆک هەبوون.
ل گۆر زانیارییان، ژ ئەنجاما تۆپبارانا ل سەر گوندێ ئەسەدیێ، گوندیان مالێن خوە ب هێلان.
هەرێما زەرکان و گوندێن وێ و هەرێما تل تەمرێ یێن ل پارێزگەها حه‌سه‌كێ پشتی کو د مەها جۆتمەها 2019ێ دا ژ ئالیێ ئارتێشا ترکیێ و چەکدارێن سەر ب وێ ڤە هاتنە داگیرکرن، هەر رۆژ راستی هێرش و تۆپبارانا ئارتێشا ترکیێ و چەکداران دهێن.
