ل مێردینێ دو مالبات ب چەکان رابوون هه‌ڤ كوشتی هه‌نه‌

ل ناڤچەیا ستەورێ سەر ب پارێزگەها مێردینێ یا باکورێ کوردستانێ، د ئەنجاما شەرێ ب چەکان دا 2 کەسان ژیانا خوە ژ دەست دان.

ل تاخا ئوچکاڤاک سەر ب ناڤچەیا ستەورێ یا مێردینێ، د ناڤبەرا دو مالباتێن کو دژمناتییا وان هەبوو، پەڤچوونا د ناڤبەرا وان دا ڤەگەریایە شەرێ ب چەکان و د ئەنجام دا کەسێن ب ناڤێ ئدریس سیدار و مەهمەت گەنچ بریندار بوون.

بریندارێن بوویەرێ هه‌رچه‌ند کو بۆ نەخوەشخانەیێ هاتن ڤەگوهاستن و هەولدانێن پزیشکان لێ وان ژیانا خوە ژ دەست دان.

ل گۆر ئاگاهییان تیمێن ئەولەکاریێ ل تاخی بجهـ بوونە و تەدبیرێن ئەولەکاریێ وەرگرتنە.