چەکدارێن ئۆپۆزیسیۆنا سووریێ یێن سەر ب ئارتێشا ترکیێ ڤە کو ھەرێما عەفرینێ داگیر کریە، 5 کەس ژ گوندێن عەفرینێ رەڤاندن.
رێخستنا مافێن مرۆڤان ل عەفرینێ بەلاڤ کر، چەکدارێن لیوایا «سەمەرقەند» دوھی 9 نیسانێ 2 کەسێن ب ناڤێ «حەنان ئەلووش شێخۆ و خەلیل ئەحمەد عیسا» ژ گوندێ «کەفر سەفرێ» یێ ل ناڤچەیا «جندرێسێ» رەڤاندن.
دا زانین ژی، گرووپا پۆلیسا لەشکەری رۆژا 30ی ئادارێ و 1ێ نیسانێ 3 کەس (حەسەن محەمەد رەشید، سەبری یووسف حوسێن و حوسێن یووسف حوسێن) ژ گوندێ «ماسەکایێ» ل ناڤچەیا «راجۆ» رەڤاندن.
ژ دەما داگیرکرنا «عەفرینێ» ژ ئالیێ ئارتێشا ترکیێ و گرووپێن چەکدارێن سەر ب وێ ڤە، ب ھەزاران کوردێن عەفرینێ ھاتنە رەڤاندن و ھەتا نھا چارەنڤیسا ھەژمارەکا مەزن ژ وان نایێ زانین.
