پۆلیسان ب سەر باره‌گه‌هێ هه‌ده‌پێ یێ جزیرێ دا گرت

hdp-cizire-polis-girtin

ل ناڤچەیا جزیرێ یا سەر ب شرنەخا باکورێ کوردستانێ ڤە، ئۆپەراسیۆن ل باره‌گه‌ها پارتیا دەمۆکراتیکا گەلان هه‌ده‌پێ هات کرن.

ناڤەندا گشتی هه‌ده‌پێ راگهاند کو ئیرۆ 11ێ نیسانا 2022ێ، پۆلیسان ب سەر باره‌گه‌هێ رێخستنا جزیرێ دا گرت و زیان گهاندنه‌ کەلوپەلێن د باره‌گه‌هێ دا.

د ب سەرداگرتنا باره‌گه‌هێ دا، 8 کەس ژ بەرپرس و رایەدارێن هه‌ده‌پێ هاتنە دەستەسەر کرن.

ناڤەندا گشتی یا هه‌ده‌پێ ل سەر حه‌سابا خوە یا تویتەرێ وێنەیێن ئاڤاهیا رێخستنا پارتیا خوە یا جزیرێ بەلاڤ کر و گۆت، «ئەڤ وێنە نیشانەیا ترسا دەستهلاتێ یه‌ ژ پارتیا مە».

ل گۆر وێنەیێن هاتنە بەلاڤکرن دەریێ ئاڤاهیێ ب زۆرێ هاتیە ڤەکرن و کەلوپەلێن ناڤ ئاڤاهیێ ژی هاتنە بەلاڤ کرن.

هات دیار کرن کو د سەرداگرتنێ داهەڤسەرۆکێ شاخا هه‌ده‌پێ ل جزیرێ مه‌سعوود نارت، رێڤەبەرا هه‌ده‌پێ یا ناڤچەیێ ئەسمەر چکماز، ئۆسمان کوچوک، مه‌عرووف ئەلش، شەریف ئەلچۆگلو، هاج دالمش، ئاهمەت بەنزەر و زەلها یارداک هاتنە دەستەسەر کرن.

پوستێن ھەمان بەش