د چارچۆڤەیا لێپرسینا دۆزا کۆبانی دا ژ 91 کەسێن کو بریارا دەستەسەرکرنا وا هاتییه دان، 46 کەس هاتنه دەستەسەر کرن، د ناڤا کەسێن هاتینه دەستەسەرکرن دا، شارەدارێن بەرێ یێن ههدهپێ ژی هەنە.
د لێپرسینا دۆزا کۆبانی دا ل 13 پارێزگەهان رێڤەبەرێن شارەداریێ ژی د ناڤ دا بۆ 91 کەسان بریارا دەستەسەرکرنێ هاته دان و ژ وان 46 کەس هاتن دەستەسەر کرن.
سەردۆزگەرییا کۆمارێ یا ئەنقەرێ د دۆزا کۆبانی دا لێپرسینەکا نوو دا دەستپێکرن، سەردۆزگەریێ د چارچۆڤەیا ڤێ لێپرسینا نوو دا بریارا دهستهسهركرنێ بۆ 91 کەسان دایه.
پۆلیسان د چارچۆڤەیا ڤێ بریارێ دا ئیرۆ 12ێ نیسانا 2022ێ ل 13 پارێزگەهان ئۆپەراسیۆنێن هەموەخت دان دەستپێکرن و 46 کەس دەستەسەر کرن.
ل گۆر ئاگاهییان د ناڤ وان کەسێن کو دەربارێ وان دە بریارا دەستەسەرکرنێ هاتیە دایین هەژمارەکا هەڤسەرۆکێن بەرێ یێن شارەدارییان ژی هەنە.
پرۆتەستۆیێن کۆبانی کو وەک بوویەرێن 6-8ێ جۆتمەهێ ژی تێن بناڤکرن، ل 6-8ێ جۆتمەها 2014ێ ژ ئالیێ ههدهپێ و ب بەشداربوونا خەلکێ باکورێ کوردستانێ هاتبوون دەستپێکرن کو ئارمانج ئەو بوو دۆرپێچا ل سەر کۆبانی ب داوی ببیت، کۆریدۆرەکا مرۆڤی یا ئالیکاریێ ل سینۆر بێ ڤەکرن و ڤەگوهاستنا چەکان بۆ داعشێ د سەر سنۆرێن ترکیێ را بهێته راوەستاندن.
سهلاحهددین دەمیرتاش و فیگەن یوکسەکداغ کو هەڤسەرۆکێن بەرێ یێن ههدهپێ نه د دۆزا بوویەرێن کۆبانیێ دا ل گەل 108 ئەندامێن دی یێن ههدهپێ هاتنه دادگههـ كرن کو 22 ژ وان نها د گرتیگەهێ دا نە.