سەرۆک مەسعوود بارزانی د سالڤەگەرا 34ێ یا تاوانا ئەنفالێ دا پەیامەک بەلاڤ کر و تێدا راگه‌هاند، «پێویستە و ئەرکێ حکوومەتا ئیراقێ یە، قەرەبوویا ڤێ تاوانا مەزن یا ل دژی گەلێ کوردستانێ هاتییە کرن، بکەت».
سەرۆک مەسعوود بارزانی ئیرۆ 14ێ نیسانا 2022ێ د سالڤەگەرا 34ێ یا تاوانا ئەنفالێ دا پەیامەک ل ئه‌كاونتێ خوە ل تویتەرێ بەلاڤ کر و تێدا راگه‌هاند: «تاوانا ئەنفالێ، یەک ژ نامرۆڤانەترین و تاریترین قۆناغێن دەولەتا ئیراقێ د سەدەیا بۆری دا یە کو ئارمانج ژێ ئەو بوو گەلێ کوردستانێ تونە بکەن».
سەرۆک بارزانی د پەیاما خوە دا گۆت ژی: «پێویستە و ئەرکێ حکوومەتا ئراقێ یە، قەرەبوویا ڤێ تاوانا مەزن یا ل دژی گەلێ کوردستانێ هاتییە کرن، بکەت».
