«دارکا مازی» ناڤێ کەسێن بەرپرس ژ هێرشا ل سەر هەولێرێ ئاشکەرا دکەت
سێ چەکدارێن سەر ب یه‌كینه‌یێن «سه‌ید ئه‌ل شوهه‌دا» یا گرێدای حەشدا شەعبی ل مووسلێ، به‌رپرسیارێن سەرەکی نە ژ هێرشێن مووشەکی و درۆنان یێن سەر هەرێما کوردستانێ.
چاڤکانیێن پێگەها «دارکا مازی» ئاشکەرا کرن، سێ ئەندامێن گرۆپا میلیشیایا ب ناڤێ «سەید ئەل-شوهەدا» ل مووسلێ، بەرپرسیارێن سەرەکی نە ژ هێرشا مووشەکی و بالەفرێن بێ پیلۆت بۆ سەر هەرێما کوردستانێ و فەرمانا ده‌سته‌سه‌ر كرنێ د ناڤا و دەرڤەی ئیراقێ دا بۆ وان هاتییە دەرکرن.
هەروەها هات زانین بوون، ڤان ئەندامێن حەشدا شەعبی ب ئاوایەکێ نە قانوونی ل مووسلێ دەست د کرین و فرۆتنا ئەردێن خەلکێ دا ب ئاوایەکی ساختە هه‌یه و د دەمەکێ نێزیك دا دێ ل سەر ڤێ مژارێ ژی دۆز ل دژی وان هێنه ڤەکرن.
ناڤێن ڤان کەسان ئەڤه‌نه:
عەلی خەلیل محەمەد ئەل – شەبەکی، یێ بەرنیاس ب ئەبو عەبدوللا، خه‌لكێ گوندێ مووەفەقیێ یێ سەر ب باژارۆکێ بەرتلە ڤه یه و کارێ به‌لێنده‌ریێ ل گەل هەر یەک ژ عەقیل باقر ئەلئەعرەجی و حاج قەنبەر دکەت.
عەلا شێخ کەمال ئەل – شەبەکی، خه‌لكێ گوندێ خەزنە یێ سەر ب باژارۆکێ بەرتلە یه، ئەڤ کەس ل یەکینەیا 4 یا سەر ب لیوایا 14ێ یا میلیشیایێن سەید ئەل-شوهەدا یه، ل گوندێ ئەلقبە یێ سەر ب مووسلێ کار دکە ت.
بەهجەت عەباس فازل ئەلبەیاتی، بەرنیاس ب ئەبو محەمەد، ئەڤ کەس ترکومەنەک شیعەیە، د ئه‌ساس دا ژ گوندێ سەلامی یە ل باشوورێ مووسلێ، نها ل تاخا تەحریر یا باژارۆکێ بەرتلە ئاكنجی یه.
