ب سهدهما پهكهكێ گوندێ هرۆرێ دیسا تێ تۆپباران كرن
![](https://darkamazi.net/file/2022/04/%D8%AF%D9%87%DB%86%D9%83-%D8%AF%D9%87%D9%88%D9%83-%DA%AF%D9%88%D9%86%D8%AF%DB%8E-%D9%87%D8%B1%DB%86%D8%B1%DB%8E-%D9%BE%D9%87%E2%80%8C%D9%83%D9%87%E2%80%8C%D9%83%D9%87%E2%80%8C-%D8%AA%D8%B1%D9%83-gunde-hirore-pkk-turkey-1.jpg)
ئارتێشا ترك یا داگیركهر جارهكه دن تۆپ ئاڤێتن گۆندێ هرۆرێ و زرارێن مهزن ب مالێن شێنیێن گوند كهتییه.
ئارتێشا تركیێ ل شهڤا دهرباسبوویی 14/4/2022ێ، تۆپ ئاڤێتن لڤ و تهڤگهرێن پهكهكێ ل گوندێ هرۆرێ، گوللـه تۆپهك ب مالهكێ كهتییه و زرارێن مهزن پێ خستنه.
ل گۆرێ ئاگاهیێن دهستێ مه، مالا كو بهر تۆپبارانا ئارتێشا تركیێ كهتییه یا ههمولاتی بههجهت عهلی یه كو یێك ژ شێنیێن گوندێ هرۆرێ یه و ل گۆری دیمهنێن كو ژ بۆی پێگهها مه هاتنه شاندن، زرار ب مالێ و ئهرهبهیا وی كهتنه.
رێخستنا پهكهكێ ئهڤ دهما دو سالانه لڤ و تهڤگهرا چهكدارێن خوه ل باشوورێ كوردستانێ خستنه ناڤ گوند و دۆربهرا باژارۆكان و ب ڤێ سهدهمێ گوندێن باشوور تایبهت یێن ل سینۆرێ پارێزگهها دهۆكێ دهوام دكهڤن بهر ئێریشان و دبن قادا شهر، ژ سالا 2020ێ ژی ههژمارهكه گوندان ب ڤێ سهدهمێ ژ شێنییان هاتنه ڤالا كرن.