سەرۆکوەزیرێ هەرێما کوردستانێ مەسروور بارزانی ئیرۆ ئینيێ 15ێ نیسانا 2022ێ ل ستەنبۆلێ ل گەل سەرۆکۆمارێ ترکیێ رەجەب ته‌یب ئاردۆگان جڤییا.
د جڤینێ دە رەوشا ئیراقێ و ناڤچەیێ و پێوەندیێن هەرێما کوردستانێ و ترکیێ هاتن گۆتووبێژکرن و تەکەزی ل سەر بەرفرەهکرنا دەرفەتێن ئالیکاریێ ژ بۆ ئاساییش و سەقامگیرییا ناڤچەیێ هات کرن.
هەردو ئالییان داخوازا خوە ژ بۆ گرینگییا پێشڤەبرنا هەماهەنگی و پێوەندییا دوئالی یا د هەموو واران دە ب تایبەتی د وارێ ئابۆری و دانووستاندنا بازرگانی دە ل سەر بنگەها بەرژەوەندییا هەڤبەش جار دن ئانین زمان.
پاش جڤینێ، مه‌سروور بارزانی ل ئه‌كاونتا خوه یا تویته‌رێ راگهاند كو د جڤینا ل گه‌ل ئاردۆگان ده، پێیوەندیێن دوئالی د ناڤبەرا هەرێما کوردستانا ئیراقێ و ترکیێ دە و هه‌ر وها پێشهاتێن داوی یێن ل ئیراق و هەرێمێ هاتن گوفتووگو كرن.
