کادرۆیێن پارتییا کارکەرێن کوردستانێ، د جڤینەکە نهێنی دە بەرپرسێن رێڤەبەرییا خوەسەر ل باژارێ قامشلۆ ئهركدار كرن، ژ بۆ كو خوهپێشاندانان ل دژی ههرێما كوردستانێ ل حهسهكێ ئۆرگانیزە بكن، ئهڤ یێك پشتی 3 مەهان ژ ئارامییا نێڤبەرا هەردو ئالییان تێ، تایبهت پشتی دەستوەردانا ئامەریکی، کو د ئەنجامێ دە دیسا دەریێ سینۆر هات ڤەکرن.
ل گۆری ئاگاهیێن پێگهها «داركا مازی» كو ژ چاڤکانییەکی ئاگاهدار ل قامشلۆ ب دهست خستنه، هات هین بوون كو پارتییا کارکەرێن کوردستانێ، فەرمان دا هەموو کارمەندێن سازیێن رێڤەبەرییا خوەسەر کو خوەپێشاندانان ل دژی ههرێما كوردستانێ ئۆرگانیزه بكن و ههر وها بهشداریێ د وان خوهپێشاندانان ده بكن، دا کو ووسا بدەن خوەیاکرن ئەڤ خوەپێشاندانە دەربرینێ ژ رایا گشتی یا رۆژئاڤا دکن.
ژ مەها ئادارا بووری ڤە، مەدیایێن سەر ب پارتییا کارکەرێن کوردستانێ و رێڤەبەرییا خوەسەر ڤە، پرۆباگاندا و نووچهیێن دهرهو ل ل دژی حكوومهتا باشوورێ كوردستانێ، پهدهكێ و ههر وها شهخسێ سهرۆك بارزانی و مالباتا بارزانییان پارڤهدكن و وان ب ئالیكارییا دهولهتا ترك یا داگیركهر ناڤ دكن.
جەمیل باییک، ل مهها ئادارێ د پهیاما نهورۆزێ ده ههمان ئێریش برن سهر حكوومهتا باشوور و پهدهكێ و گۆتبوو كو تركیه ئامادهكارییا ئێریشا سهر ههرێمێن گهریلایان ب ئالیكارییا پهدهكێ دكه و پهدهكه ب خائین ناڤ كر.
چاڤكانیێن پێگهها «داركا مازی» ل رۆژئاڤا وهلات ئهشكهره كرن كو د هەفتەیا دەرباسبوویی دە کادرۆیێن پهكهكێ ب سەرڤیسێن ئیستخباراتا ههسهدێ ل پارێزگەها حهسهكێ، جڤینێن بەرفرەهـ ل دار خستن ژ بۆ پێشخستنا ستراتەژیەکە ئەولەهیێ ژ بۆ رووبرووبوونا هەر زێدەبوونەکە لەشکەری ل ناڤچەیێن د بن کۆنترۆلا پهكهكێ دە ل باشوورێ كوردستانێ.
ههر وها دهست نیشان كر، كادرۆیێن پهكهكێ ئاراستەیا دەزگەهێن راگهاندنێ یێن رێڤەبەرییا خوەسەر کر کو ل دژی پارتییا دەمۆکراتا کوردستانێ، هێزێن پێشمەرگە، ئەنجوومەنا نشتیمانی یا کوردی ئهنهكهسێ و «پێشمەرگەیێن رۆژ» وهشانان بكن و ههر وها رووپەلێن چالاکڤان، رۆژنامەڤان و دەزگەهێن راگهاندنێ یێن ل دژی باشوورێ كوردستانێ بشۆپینن.
ل سێشەمبییا رابووری ژی مەدیایا رێڤەبەرییا خوەسەر، بانگا بەشداربوونا خوەپێشاندانێن شەرمەزارکرنا پارتییا دەمۆکراتا کوردستانێ کربوو.
چاڤكانیێن مه ئهشكهره كرن كو پهكهكێ و رێڤهبهرییا خوهسهر ئامادهكاری كرنه كو خوەنیشاندانان ل دژی ههرێما كوردستانێ د ڤێ مەهێ دە ل 13 باژار و باژارۆکێن پارێزگەها حەسەکێ بێن ئهنجام دایین و تهكهز كر كو پهكهكێ كارمهندێن سازیێن رێڤهبهرییا خوهسهر ئهركدار كرنه بهشداری خوهپێشاندانان ببن و ههر وها ههمولاتییان ژی نهچار بكن بهشدار ببن.
پهكهكێ ژ بۆ ڤان خوهپێشاندانان وێنەیێن زلامێ ئیمرالیێ و درووشمەیێن شەرمەزارکرنا حكوومهتا باشوورێ كوردستانێ و مالباتا بارزانی و حکوومەتا ئیراقێ ل سهر ههمولاتییان بهلاڤ كرنه.
هێژای گۆتنێ یه، د نیڤهكا مهها كانوونا بووری ده، ب سهدهما ئێریشا پهكهكێ ل سهر دهریێ پێشابوورێ، حكوومهتا باشوور دهریێ سینۆر قهپات كر، پاش دهرباسبوونا دو مههان ههسهده نهچار ما ل ژێر فشارا ئامهریكایێ تهسلیمی شهر و مهرجێن حكوومهتا باشوور ببه و دهری جار دن هات ڤهكرن، ئیرۆ ژی پهكهكه دخوازه ههمان سهناریۆ دوباره بكه و دخوازه ب رێیا خوهپێشاندانان و ئێریش كرنا سهر دهریێ سینۆر، جارهكه دن گهلێ رۆژئاڤا برسی بكه ژ بۆ كو بكار پشتره حكوومهتا باشوور شهرمهزار بكه.