جهندرمهیێن تركیێ ل سنۆرێ نیڤبهرا باشوور و باكورێ كوردستانێ، گوللـه بهردان گهنجهكێ كورد و ژیانا خوه ژ دهست دا.
تهحسین یالچین، گهنجهكێ باكورێ كوردستانێ یه دوهـی رۆژا 16 نیسانێ وی ل گهل دو ههڤرێیێن خوه سهرهدانا گوندێ رووبارۆكێ ل ناڤ ئاخا باشوورێ كوردستانێ كربوو و ل دهما ڤهگهرێ بۆ گوندێ رووبارۆكێ یێ ل ئالێ باكورێ كوردستانێ، جندرمهیان گوللـه بهردانێ.
د ئهنجاما تهقهیا جهندرمهیان دا كو ل ساعهت 3:00 سهرێ سپێدێ پێكهاتییه، گهنجێ ب ناڤێ تهحسین ژیانا خوه ژ دهست دا، لێ بهلێ دو ههڤرێیێن وی سهلامهتن، مالباتا تهحسین گۆتییه كو ئیرۆ وان جهسهدێ تهحسین سپارتییه ئاخێ.
ل گۆری كۆمهلهیا مافپهروهران، ئهڤ نهبوویهرا یهكهمین یا تهقهكرنێ یه ل سنۆری چێدبیت، ل سالا 2019ێ، جهندرمهیان گهنجێ ب ناڤێ ڤێدات ئهكێنجی 14 سال ل گوندێ رووبارۆكێ كوشتبوو و ههروهها، ئۆزجان ئهرباش یێ 16 سال ژی ل سالا 2020 ل گوندێ بیرۆخێ ژ هێلا جهندرمهیان ڤه هاتبوو كوشتن.