دو گەریلایێن پەکەکێ یێن کەچ کو دخوەستن ژ پەکەکێ قوت ببن کەتن کەمینێ و یەک ژ وان ب دەستێ پەکەکێ هات کوشتن و یەکە دن ژی دیل هات گرتن.
چاڤکانیێن پێگەها دارکا مازی ل باشوورێ کوردستانێ ئەشکەرە کرن، ل مەها کانوونا دویەمین یا ئیسال 2022یان دە، دو ژ گەریلایێن پەکەکێ یێن کەچ ب ناڤێن «سارا» یا 25 سالی و «مەسکەن» یا 26 سالی، ل هەرێما گارە خوەستنە ژ پەکەکێ ڤەقەتن لێ بەلێ پشتی کو ژ کامپا خوە دوور کەتنە ژ ئالیێ پەکەکێ ڤە هاتنە ئارمانجکرن و یەک ژ وان هاتیە کوشتن.
چاڤکانیێن مە ئەشکەرە کرن، ئەڤ دو کەچە گەریلایێن پەکەکێ دەما نێزی شیرکەتا نەفتێ ئا ل ناڤچەیا “سەرێ کانیکا” ل ناحیا چەمانکێ ل دەڤەرا ئامێدیێ بوویی گرووپەک ژ گەریلایێن پەکەکێ دگهیژن وان و هوشداریێ ب وان ددن کو ڤەگرن گەر نا وێ وەرن کوشتن، لێ بەلێ کەچە گەریلایا ب ناڤێ «مەسکەن» خوە رادەستی وان نەکریە و بازدایە، پشترە ژ ئالیێ گەریلایەکی ب ناڤێ «کاوە وان» ئێ 35 سالی کو فەرماندارەکی پەکەکێ یە گولـله ل مەسکەنێ رەشاندنە و د جی دە ئەو کوشتیە.
چاڤکانیێن مە هەر وەها ئاشکەرا کرن کو پشتی «مەسکەن» ب دەستێ «کاوە وان» تێ کوشتن، یەک دن ژ گەریلایێن پەکەکێ یێ ب ناڤێ «دەنیز سەرحەد» جەنازەیێ مەسکەنێ ل نێزی گوندێ ب ناڤێ “مەیرۆکێ” یێ سەر ب ناحیا چەمانکێ ڤە بن ئاخ کریە.
هەر وەها هات هین بوون کو کەچە گەریلایا ب ناڤێ «سارا» پشتی کو هاتیە دەستەسەرکرن ژ ئالیێ چەکدارێن پەکەکێ ڤە پر هەقارەت ل وێ هاتنە کر و نها د زندانەکی دە ل دەردۆرێن گوندێ «چەم رەبەتکێ» یێ سەر ب «چەمانکێ» ڤە ل دەڤەرا گارە هاتیە زندانکرن و رۆژانە تێ ئیشکەنجەکرن.
