ئارتێشا ترکیێ ل دژی پهكهكێ، ئۆپەراسیۆنەکە بهژاهی و ئاسمانی یا نوو ل ههرێما كوردستانێ دهستپێكر، ئۆپهراسیۆن دهمهكه ژ هێلا تركیێ و ب ئاگههدارییا پهكهكێ پلانسازی ژ بۆی دهات چێكرن.
دەرەنگێ شەڤا بووری ئارتێشا ترکیێ ل هەرێمێن «مەتینا، زاپ و ئاڤاشین – باسیان» یێن د ناڤ سینۆرێن هەرێما کوردستانێ دە، ژ ئەرد و ئاسمان ڤە ل دژی پهكهكێ دەست ب ئۆپەراسیۆنا ب ناڤێ «پەنچە – کلیل» کرییە.
ل گهل دهستپێكرنا ئۆپەراسیۆنێ، ئارمانجێن ل هەرێمێن «مەتینا، زاپ و ئاڤاشین – باسیانێ» ژ هێلا فرۆکەیان ڤە هاتن بۆمبەباران کرن، ل گۆری ئارتێشا تركیێ، هێزێن کۆماندۆ ژی ب پشتگرییا هەلیکۆپتەرێن ئاتاک، ئیها و سیها ژ بەژاهیێ ڤە کەتنە مەیدانا ئۆپەراسیۆنێ و دیارکر کو ئۆپەراسیۆن ل گۆری پلانسازیێ دەوام دکە.
ئۆپهراسیۆن ژ بهری دهست پێ بكه ئێنجام دیاره
رێخستنا پهكهكێ ل داوییا مهها ئادارێ راگهاندبوو كو تركیه وێ ل ناڤهراستا مهها نیسانێ ئێریشی ههرێمێن گهریلایان بكه!، پهكهكێ ل وێ دهمێ دگۆ تركیه وێ ب ئالیكارییا پهدهكێ ڤێ ئێریشێ پێك بینه!. توهمهتێن پهكهكێ ژ بۆی پێشمهرگههان ئارمانج ژێ ئهڤه پهكهكه بازدان و بجی هشتنا ڤان ناڤچەیان ژ ئارتێشا ترك رە پی بپهچنه.
چاڤكانیێن پێگهها «داركا مازی» ئهشكهره كر، ئێنجاما ئۆپهراسیۆنا «پەنچە – کلیل» یهكلابوویه و تركیێ ب ئاگههدارییا پهكهكێ پیلانسازی ژ بۆ ڤێ ناڤچهیێ چێكرییه و تشتا كو نها تێ ژیان كرن تهنێ جیجیكرنا پیلانێ یه، پیلان ژی ئهڤه كو پهكهكه وێ هنهك ناڤچهیێن دن ژ خاكا ههرێما كوردستانێ بكه قادا شهر و ب دهست تركیێ ڤه بهرده.
چاڤكانیێن مه ئهشكهره كرن، ژ دهما دهستپێكرنا ئۆپهراسیۆنێ پهكهكێ تو شهر نهكرنه، تهنێ هنهك تهقه كرییه، ژ بۆ كو بكاره پاش چۆلكرنا وان ناڤچهیان، ببێژه مه شهر كر، پهكهكه ووسا ئارتێشا ترك كێشی ههرێما كوردستانێ دكه.
ناڤچهیا ئۆپهراسیۆنێ 10 ساله د دهست پهكهكێ ده یه
ناڤچهیا كو ئارتێشا تركیێ ئۆپهراسیۆنا «پهنجه – كلیل» لێ دایه دهست پێ كرن كو ههرێما مهتینا دهڤهرا نێروه و رێكان و نهێلێ ل خوه دگره، 92 گوند لێ هەنه، ژ سهرجهما وان تهنێ 6 گوند ئاڤهدانن و گوندێن دن ل ژێر دهستێ پهكهكێ نه و پهكهكه رێناده وهرن ئاڤا كرن، ئهڤ ههرێم پێتری 10 سالانه ل ژێر كۆنترۆلا پهكهكێ یه.
ل دهربارا توهمهتێن پهكهكێ ژی، چاڤكانیێن مه ئهشكهره كر، هێزا پێشمهرگههان لڤ و تهڤگهرا وان ل وێ ههرێمێ تونه، ژ بهر كو ئهو ههرێم ب سالانه د دهستێ پهكهكێ ب خوه ده یه.
پهكهكه كلیلا ئۆپهراسیۆنێ یه
چاڤكانیێن پێگهها «داركا مازی» ئهشكهره كرن پهكهكێ پیلانهكا خهتهر ژ بۆ دهڤهرا بههدینان ئاماده كرییه، ل گۆری وێ ئارتێشا ترك وێ كێشی هنهك گوند و ناڤچهیێن دن بكه، وهكه چاوا ل سالا رابووری بلنداهیێن خامتیری و دهردوورا باتووفێ و زنارا كێسته و گوندێ هرۆرێ و ههژمارهكا ناڤچهیێن دن ژ بۆ تركیێ هشتین، ئیسال ژی وێ هنهك ناڤهچیێن زاپێ و مهتینایێ ژ بۆ تركیێ بجیهـ بهێله، ب كورتاسی ئۆپهراسیۆنا كو تركیێ ل شهڤا رابووری ل ژێر ناڤێ «پهنجه – كلیل» دهستپێكری، پهكهكه كلیلا ڤێ ئۆپهراسیۆنێ یه.
پهكهكێ ژ سالا 2020ێ ل گۆری پیلانهكا دوئالی یا ب تركیێ ره، ب دههان ناڤچهیێن ههرێما كوردستانێ ژ بۆ تركیێ هشتن، پهكهكێ ئهڤ نهخشهرێ ب چار قۆناغان ب جیهـ كر، ئیسال ژی دخوازه ڤێ پیلانێ بدۆمینه و بهرخوهدانا خوه یا ساخته پێتر نێزی گوند و باژارۆكان بكه.