رێخستنا پهكهكێ ژ دهستپێكا ئۆپهراسیۆنا دهولهتا ترك یا داگیركهر ل ههرێمێن زاپێ، مهتینا و ئاڤاشین، ئامارێن شهری پارڤه دكەت و ل گۆری پهكهكێ ژ سهرێ سبهها ئیرۆ 40 لهشكهر هاتنه كوشتن.
ههپهگێ یا باسكێ لهشكری یێ پهكهكێ ئیرۆ رۆژا دوشهمبی 18/4/2022ێ، كوشتنا 40 لهشكهرێن دهولهتا ترك ل ناڤ خاكا ههرێما كوردستانێ ب تایبهتی ل ههرێمێن «زاپ، مهتینا، ئاڤاشین و باسیان»، ئانكو ل ناڤچیێن كو ئۆپهراسیۆنا «پهنجه – كلیل» لێ هاتییه دهستپێكرن، راگەهاندیە.
مهدیا پهكهكێ ههر ل ناڤبهرا چهند دەمژمێران جارەکێ وێنهیێن چهكدارێن خوه یێن زارۆك پارڤهدكەن و ل ژێر دا دنڤیسن مه ئهوقاس لهشكهرێن ترکیێ کوشتینە!، لێ بهلێ ئهڤ ئاگاهیێن كو مهدیا پهكهكێ پارڤه دكەت، ژ هێلا هیچ ئالییهكێ ڤە نایێن پشتراست كرن.
ل گۆری پهكهكێ ژ دهستپێكا ئۆپهراسیۆنا «پهنجا-كلیل» ههیا نها 40 عهسكهر هاتنه كوشتن!!