ل کۆمەلگەھا «دوگرێ» یا سەر ب ناحیا «سنوونێ» یا ل سینۆرێ ناڤچەیا شنگالێ شەر د ناڤبەرا ئارتێشا ئیراقێ و چەکدارێن پەکەکێ دا ل باکورێ چیایێ شنگالێ روودا و ھەژمارەک سەربازێن ئارتێشا ئیراقێ ژ ئالیێ چەکدارێن پەکەکێ ڤە ھاتن رەڤاندن.
شەر بەریا دەمەکێ کورت روودا و ب دژواری و ب چەکێن جودا ئارتێشا ئیراقێ و چەکدارێن پەکەکێ رووبروویی ھەڤ بوون.
د ڤی شەری دا ھەژمارەک سەربازێن ئارتێشا ئیراقێ ب ترۆمبێلا خوە ڤە ژ ئالیێ چەکدارێن پەکەکێ ڤە ژ ناڤا کۆمەلگەھێ ھاتن رەڤاندن.
دەربارێ سەدەما شەری دا ژی ئشکەرە کر، سەربازێن ئارتێشا ئیراقێ دخواستن رێبەندەکێ ل سەر رێیا سەرەکی یا وێ کۆمەلگەھێ دانن، لێ بەلێ چەکدارێن پەکەکێ رێ نەدان و ب چەکان رووبروویی وان بوون، د ئەنجامێ دا ئارتێشا ئیراقێ ژی بەرسڤا وان دا و شەر ھین ژی ب دژواری بەردەوامە.
