کالکان خه‌ته‌ریێ دئێخیته‌ سه‌ر سازیێن سڤیل یێن هه‌رێما کوردستانێ

دووران کالکان ئەندامێ کۆمیتەیا رێڤەبەرا په‌كه‌كێ راگه‌هاند، پەکەکە دێ شەری ل ھەر ده‌رێ بەلاڤ کەت، ب ئاوایەکی کو بگه‌هیته‌ ناڤا تەڤ هه‌رێما كوردستانێ، كالكان ب ڤان گۆتنێن خوه‌ خه‌ته‌رییه‌كا راسته‌ راست ل سه‌ر سازیێن سڤیل یێن هه‌رێما كوردستانێ چێكر.

دووران کالکان، تەڤلی بەرنامەیا تایبەتا «مەدیا ھابەر TV» بوو و هن مژارێن نها د رۆژه‌ڤا کوردستانێ دە گەرم نرخاندن.

دووران کالکان گۆت: «د چاپەمەنیێ دە تێ گۆتن کو په‌ده‌كه‌ و ترك دێ ب ھەڤرە ئێرشێ كه‌ن، ئەم دشۆپینن، راستی چیە ئەم باش نزانن، ژ ئالیێ په‌ده‌كێ ڤە داخویانیێن ئەشکەرە نایێن دا یین».

ئەڤ ئاخافتنا کالکان د دەمەکی دا یە کو ب تەنێ مەدیایا پەکەکێ ب ئاوایەکی رێخستنکری دبێژیت: «په‌ده‌كه‌ و ترك دێ ب هه‌ڤره‌ ئێریشا په‌كه‌كێ كه‌ن»!!، ئارمانجا په‌كه‌كێ ژی دیاره‌ ئه‌و دخوازیت ب ڤان ده‌ره‌وان زەمینەیەکی ژ بۆی شەرێ ل دژی هه‌رێما کوردستانێ و تێکدانا ستاتۆیا وێ چێبكه‌ت.

دووران كالكان د ده‌واما ئاخفتنا خوه‌ ده‌ پڕ ئه‌شكه‌ره‌ دیار كر كو ئێدی هه‌ر ده‌را هه‌رێما كوردستانێ وێ ببه‌ مه‌یدانا شه‌ر و گۆت: شەر نە تەنێ ژ حه‌فته‌نینێ ھەتا خاکورکێ، به‌لكو دێ ل ھەر دەرێ بەلاڤ بیت، ل تەڤاھیا باشوور و زرارا ھەری مەزن دێ گهیته‌ باشوور.”

گه‌ف و ته‌هدیدێن كالكان ژ بۆی هه‌رێما كوردستانێ دهێته‌ وێ واتایێ كو ئارمانجا سه‌ره‌كه‌ یا په‌كه‌كێ تێكدانا ئه‌وله‌هییا هه‌رێما كوردستانێ یه‌، ل جیهێ كالكان گه‌فان ل تركیێ بخوه‌ و ببێژه‌ ئه‌مێ شه‌ری ڤه‌گوهێزن سته‌نبۆل و ئه‌نقه‌رێ، ئیرۆ هاتییه‌ و دبێژه‌ ئه‌مێ هه‌رده‌را هه‌رێما كوردستانێ بكن مه‌یدانا شه‌ر.