د دیرۆکا خوە دا خوشک و برایێن مەیێن کوردێن ئێزیدی ژ بەر ناسنامەیا خوەیا ئۆلی و نەتەوەیی تووشی گەلەک کۆمکوژی و ئێریش و کارەساتان بوونە، لێ وان چ جاران دەست ژ زمانێ کوردی، دەست ژ ناسنامەیا خوەیا ئۆلی، کولتوری و کوردایەتیێ بەرنەدانە.
د جەژنا چارشەمبا سۆر یا کوردێن ئێزیدی دا ئەم بانگی ھەموو کورد و کوردستانییێن ل جیھانێ دکین کو ل ھمبەری زلم و نەھەقی و ئێریشێن ل سەر کوردێن ئێزدی ھەلوەستێ بگرن و رێ ژی نەدن کو چ ئالیەک خوە ل سەر وان دا بسەپینن.
ئەم د وێ باوەرییێ دانە کو پارلامەنتۆ، سەرۆکاتی، حکوومەت و ھێزێن پێشمەرگەیێن ھەرێما کوردستانێ ژ بۆ برینێن خوشک و برایێن مەیێن کوردێن ئێزدی بێنە ئالاندن دێ بریارێن تەیبەت دەن. ھەروەھا دێ د بن دەستھلاتی و سەروەرییا رێڤبەرییا ھەرێم کوردستانێ دا ھەموو نرخ و مافێن ئۆلی، کولتوری و خوە ئیدارە کرنا ھەرێمی یا کوردێن ئێزدی بپارێزن، پێشدا ببەن و بێخن بن گارانتییێ.
ئەم ب ھەست و بیر و باوەری و ھشمەندییا خوەیا نەتەوەیی و نشتمانی جەژنا چارشەمبا سۆر، جەژنا سەرسالا خوشک و برایێن خوەیێن کوردێن ئێزدی پیرۆز دکەین.
