فەرماندارێ ھێزێن ئێزیدخانێ حەیدەر شەشۆ دا خویاکرن کو پەکەکە پلانا وەلاتێن جیران جێبەجێ دکەت و حکوومەتا ئیراقێ ژی ل ئالیەکی پشتگریا پەکەکێ دکەت و ل ئالیەکی دن ژی رێ ددەت ترکیێ کو ئۆپەراسیۆنان ئەنجام بدەت.
حەیدەر شەشۆ داخویانیەک دا کوردستان 24 و داخوازا جێبەجێکرنا رێکەفتنا ئاساییکرنا شنگالێ دکەت و دبێژیت کو؛ ئەڤە ژی ئەرکێ حکوومەتا ئیراقێیە، لێ بەلێ حکومەت ل ئالیەکێ پشتگریا پەکەکێ دکەت و دەرفەتێ ددەتە وان و ل ئالیەکی دن ژی رێ ددەت ترکیێ کو ئۆپەراسیۆنێن ل ناڤ ئاخا ھەرێما کوردستانێ ئەنجام بدەت.
شەشۆ دبێژیت کو، چ جارا ئارامی ئارمانجا پەکەکێ نەبوویە و ل کو دبە بلا ببە، ئارمانجا وێ دەرخستنا نەئارامیێ یە و پلانا وەلاتێن ھەرێمی جێبەجێ دکەت، کو ئەو ژی نە د بەرژەوەندیا ئیراق و خەلکێ ناڤچەیێ دایە.
