چەکدارێن پەکەکێ بنکەیەکێ پارتیا یەکتیا دەمۆکرات شەوتاند

چەکدارێن رێخستنا «جوانێن شۆرەشگەر» یا سەر ب پەکەکێ بنکەیەکێ پارتیا یەکتیا دەمۆکراتا کورد ل سووریێ (پەیەکەسە) شەوتاند.

چەکدارێن جوانێن شۆرەشگەر ئیرۆ 23/4/2022یێ بنکەیێ پارتیا یەکتیا دەمۆکراتا کورد ل سووریێ یا ل باژارێ قامشلۆیا رۆژئاڤایێ کوردستانێ ب مۆلۆتۆفان شەوتاندن.

ل گۆر زانیاریان رێخستنا جوانێن شۆرەشگەر ب فەرمانا پەکەکێ ڤە بنکەیێ وێ پارتیا کورد یا ل رۆژئاڤایێ کوردستانێ شەوتاندیە، کو پارتیەکا سەر ب ئەنجوومەنا نشتمانیا کورد ل سووریێ (ئەنەکەسێ)یە.

چەند رۆژەکە چەکدارێن سەر ب پەکەکێ ل رۆژئاڤایێ کوردستانێ دەست ب ھەلمەتا شەوتاندنا بنکەیێن پارتیێن کوردستانی یێن ناڤ ئەنیا ئەنەکەسێ کرنە.

رۆژا 22/4/2022یێ بالیۆزخانەیا ئامەریکایێ ل شامێ ب بەیانامەیەکێ نیگەرانیا توندا ئامەریکایێ یا دەربارێ شەوتاندنا بنکەیێن پارتیێن سەر ب ئەنەکەسێ یا ژ ئالیێ چەکدارێن سەر ب پەکەکێ ڤە راگەھاند.