جیگرێ سەرۆکێ ئەنجوومەنا نوونەران یا ئیراقێ شاخەوان عەبدولا راگھاند، کۆمیتەیا لێکۆلینا راستیان دەربارێ ئێریشا مووشەکی یا ل سەر ھەولێرێ، لێکۆلینێن خوە ب داوی کرنە.
شاخەوان عەبدولا ئەڤ نووچە ژ بۆ K24ێ پشتراست کر و گۆت: “وێ ئێریشێ مالەکا سڤیل کریە ئارمانج و ئەو ژ ئالیێ چ دەزگەھەکێ ڤە ب کار نەھاتیە.”
ھەروھا گۆت، کۆمیتە وێ ئێریشێ شەرمەزار دکەت و وێ ب بنپێکرنەکا ئاشکەرا دزانە و تەکەز کر کو دڤێت ئیران کەسێن زیان دیتی قەرەبوو بکەت.
جیگرێ سەرۆکێ ئەنجوومەنا نوونەران یا ئیراقێ گۆت: “کۆمیتەیێ تەکەزی ل سەر وێ یەکێ کر کو پێویستە وەزارەتا دەرڤەیا ئیراقێ ھەموو تەدبیران ژ بۆ رێگرتن ل دووبارەنەبوونا وان ئێرشان وەربگرە.
