ل رۆژئاڤایێ کوردستانێ خەلک ژ بۆ بدەستخستنا سۆتەمەنیێ ب دەمژمێران د رێزێ دا رادوەستن.
دەستەیا سۆتەمەنیێ یا رێڤەبەریا خوەسەر پارڤەکرنا سۆتەمەنیێ ل سەر بەنزینخانەیان %60 کێم کریە، ئەڤ ژی بوویە سەدەما دەرکەتنا کریزێ ل باژار و باژارۆکێن رۆژئاڤایێ کوردستانێ.
خەلک دیار دکن، ئەو نەچار دبن کو 5 دەمژمێران راوەستن ژ بۆ 30 لیترێن سۆتەمەنی بۆ ترۆمبێلا خوە ب دەست بخن.
ژ بەر کریزا سۆتەمەنیێ، گەلەک جاران ل گوندەوارێن حەسەکێ، رەقا و دێرازۆرێ خوەپێشاندان ھاتن لدارخستن. خوەپێشاندەران رێیێن سەرەکی گرتن و داخواز ژ رێڤەبەریا خوەسەر کرن کو پێویستیا وان ژ سۆتەمەنیێ پەیدا بکەت. تەڤی سۆزێن رێڤەبەریێ ژ بۆ چارەسەرکرنا کریزێ، لێ ھین ژی رەوش نەھاتیە گوھەرتن.