ئارتێشا تركیێ گوندێ شێخ عیسا و دەردۆرا باژارێ تل رفعەتێ ل گوندەوارێ باکورێ حەلەبێ تۆپباران کر، هەڤدەم ئارتێشا سووریێ باژارۆکێ مارعێ دا بەر رۆکێت و تۆپان.
زانیاریێن کو ژ ناڤچەیا شەهبا یا باکورێ سووریێ هاتنە بدەستخستن دیار دکن کو ئێڤارا رۆژا سێشەمبێ دەردۆرا باژارێ تل رفعەت و گوندێ شێخ عیسا، ل گوندەوارێ باکورێ حەلەبێ ژ ئالیێ ئارتێشا ترکیێ و گرووپێن چەکدارێن ئالیگرێن وێ ڤە هاتنە تۆپبارانکرن.
د هەمان دەمێ دا، ئارتێشا حکوومەتا سووریێ باژارۆکێ مارع ل وێ ناڤچەیێ کو د بن دەستێ گرووپێن چەکدار دا یە، تۆپباران کر و د ئەنجامێ دە 3 کەس بریندار بوونە.
ل ناڤچەیێن د بن کۆنترۆلا گرووپێن چەکدارێن گرێدایی ترکیێ دە دەم ب دەم، شەر و پەڤچوونێن ناڤخوەیی د ناڤ وان گرووپان دە دەردکەڤن و رەوشەکا بێسەروبەریێ ژی پەیدا دبیت.
تل رفعەت 25 کیلۆمەتران دکەڤە باشوورێ رۆژهلاتێ عه‌فرینێ و یه‌په‌گێ ئەو باژارۆک د سباتا 2016ێ دا ژ دەستێ چەکدارێن ئۆپۆزسیۆنا سووریێ دەرخستبوو.
