ل پارێزگەها دێرسمێ یا باکورێ کوردستانێ، هێزێن ترکیێ ل دژی په‌كه‌كی دەست ب ئۆپەراسیۆنەکا نوو یا ب ناڤێ «ئەرەن دۆرپێچ-7» کرن.
وەزارەتا ناڤخوە یا ترکیێ ئیرۆ پێنجشەمبێ 28/4/2022 ب داخویانیەکێ، دەستپێکرنا ئۆپەراسیۆنا ل دژی په‌كه‌كێ ل سینۆرێ پارێزگەها دێرسمێ ئاشکەرە کر.
ده‌ستنیشان كر، فەرماندارییا جەندەرمەیان یا دێرسمێ ب بەشداربوونا 682 سەرباز، هێزێن ئەولەکاریێ و جەردەڤانان کو ژ 40 تیمان پێک دهێن، ئۆپەراسیۆنا ل دژی په‌كه‌كێ دایە دەستپێکرن.
ل گۆر زانیاریان، د رۆژا یەکەما ئۆپەراسیۆنێ دا 5 ستارگەهێن گەریلایێن په‌كه‌كێ هاتنە دیتن.
پشتی بداویبوونا ئۆپەراسیۆنێن زڤستانێ یێن ب ناڤێ زنجیرە ئۆپەراسیۆنێن «ئەرەن» کو هەتا ئەرەن-34 بەردەوام بوون، ڤێ جارێ وەزارەتا ناڤخوە یا ترکیێ ل دژی په‌كه‌كێ زنجیرە ئۆپەراسیۆنێن بهار و هاڤینێ ل باکورێ کوردستانێ دانە دەستپێکرن.
