نوونه‌رێن ئه‌مه‌ریكایێ ل رۆژئاڤا كوردستانێ، رێڤه‌به‌رییا خوه‌سه‌ر هایدار كو رێڤه‌به‌رییا ئه‌مه‌ریكایێ، ژ به‌لاڤبوونا وێنه‌یێن ئۆجالان و درویشمێن په‌كه‌كێ پڕ عاجز و تۆره یه.
رایەدارێن ئه‌مه‌ریكایێ «رێڤەبەریا خوەسەر» یا باکور و رۆژهلاتێ سووریێ، ب هێرسا رێڤەبەرییا ئه‌مه‌ریكایێ ژ بەر بەلاڤکرنا وێنەیێن رێبەرێ په‌كه‌كێ عه‌بدوللا ئۆجالان و دوریشمێن رێخستنا وی ل هەرێمێن رۆژئاڤا كوردستانێ، یێن ل ژێر كۆنترۆلا هه‌سه‌دێ نیشان دان.
نوونه‌رێن رێڤه‌به‌رییا ئه‌مه‌ریكایێ، ئه‌ڤ یێك ب رێڤه‌به‌رییا خوه‌سه‌ر راگهاندنه و ژێره گۆتنه كو هه‌بوونا وێنه‌یێن ئۆجالان د سازیێن رێڤه‌به‌رییا خوه‌سه‌ر دا، ب واته‌یا پشتگرییا ئه‌شكه‌ره ژ بۆی په‌كه‌كێ تێ، ل ده‌مه‌كی په‌كه‌كه د لیستا گه‌له‌ك ده‌وله‌تین جیهانێ دا وه‌كه رێخستنه‌كه ته‌رۆریستی هاتییه ده‌ستنیشان كرن.
هه‌روه‌ها ده‌ستنیشا كرنه كو وێنه‌یێن ئۆجالان یێن ل هه‌رێمێن رێڤه‌به‌رییا خوه‌سه‌ر، هه‌ولێن ئه‌مه‌ریكایێ یێن چێكرنا ئه‌وله‌هییا ناڤچه‌یێ ئاسته‌نگ دكه‌ت، ب تایبه‌ت ل گه‌ل تركیێ.
هه‌روه‌ها نوونه‌رێن ئه‌مه‌ریكایێ ژ رێڤه‌به‌رییا خوه‌سه‌ر را گۆتن كو پشتگرییا ئه‌شكه‌ره یا ژ بۆی په‌كه‌كێ، ب یێك ژ ئاسته‌نگیێن هه‌ره سه‌ره‌كی یێن ل همبه‌ر دانوستاندنێن كوردی ل رۆژئاڤا تێ حه‌ساب كرن، ژ به‌ر كو یێك ژ مه‌رجێن ئه‌نه‌كه‌سێ ئه‌ڤه كو دڤێ ده‌سوه‌ردانا كادرۆیێن په‌كه‌كێ ب داوی بهێت.
