شاندەکێ بلندێ ئەولەھیا ئیراقێ ژ بۆ دیارکرنا چارەنووسا پەکەکێ ل شنگالێیە

 شاندەکێ بلندێ ئەولەھیا ئیراقێ گھیشتە شنگالێ و رەوشا ئەولەھیێ و چارەنووسا پەکەکێ ل ناڤچەیێ گۆتووبێژ دکن.

ل گۆر زانیاریێن K24، ئیرۆ شەمبیێ 30ێ نیسانا 2022یێ، شاندەکێ بلندێ ئەولەھیا ئیراقێ کو ژ سەرۆکەرکانێ ئارتێشێ «عەبدولەمیر رەشید»، جیگرێ فەرماندارێ ئۆپەراسیۆنێن ھەڤبەش «عەبدولەمیر شەمەری» و رێڤەبەرێ گشتییێ ئیستخباراتێ و فەرماندارێ ھێزێن بەژاھیێ پێک تێ، گھیشتە شنگالێ.

ل گۆر زانیاریان، رەوشا ئەولەھیێ یا ناڤچەیێ، چارەنووسا چەکدارێن پەکەکێ ل شنگالێ مژارا سەرەکەیا جڤینا شاندا بلندا حکوومەتا ئیراقێیە.

ئەڤ سەردان پشتی ئالۆزیێن ڤان دەمێن داوی یێن ناڤبەرا ئارتێشا ئیراقێ و چەکدارێن پەکەکێ یێن ل ناڤچەیێ، پێک دهێت.