ل سینۆرێ ناحیا پردێ یا سەر ب پارێزگەها کەرکووکێ ڤە، چەکدارێن داعشێ ئیرۆ وەلاتییەکی عەرەب سەرژێکر.
ل گۆر كهنالا كوردستان 24ێ، ئەڤ بوویەر ئیرۆ دانێ سبێ د ناڤبەرا گوندێ زەردک، بیبان و کەلۆرێ یێن سەر ب پردێ ڤە روو دایە.
ژێدەرەکی ژ پۆلیسێن پردێ ژ كوردستان 24ێ رە راگهاند، ب کامیرەیا چاڤدێریێ دیار بوو کو 4 چەکدارێن داعشێ ب سەر زەڤیەکە چاندنیێ دە دگرن و کەسەکی گرێ ددن و سەرژێ دکن.
ل گۆر زانیاریان، خوەدیێ وێ زەڤیێ کەسەکی کوردە و کەسێ هاتیە کوشتن، وەلاتیەکی عەرەبە و پاسەوانێ وێ زەڤیێ یە.
وی ژێدەری دا زانین ژی، ئیرۆ دانێ ل بلنداهیێن گوندێ کارێز، ئالا داعشێ هاتبوو هلدان و پشترە هێزێن ئەولەهیێ چوون ئەو ئالا داخستن.
