چەتەیێن کو ترکیێ پشتەڤانیا وان دکە، هێژان دەستدرێژیێ ل سەر ملکێن خەلکێ دەڤەرێن ئۆپەراسیۆنا «کانیا ئاشتیێ» دکن، په‌ره‌یێن مه‌زن ژی ژ وه‌لاتییان داخواز دكن.
ل گۆری روانگه‌ها سووری یا مافێن مرۆڤان، وه‌لاتییه‌كێ سه‌رێكانیێ پشتی ڤه‌گه‌ریایه گوندێ كو ئه‌و چەند مەهـ بوو سه‌ردانا گوندێ خوه نه‌كری، دیت کو مال و ملکێ وی ژ ئالیێ کۆمێن کو ترکیە پشتگریا وان دکە، هاتنە برن.
چه‌تیێن كۆما ب ناڤێ «جەیش ئەل-ئیسلام» یا گرێدای تركیێ، ژ بۆی ڤه‌گه‌راندنا مالا وی وه‌لاتی، داخوازا 150 هەزار دۆلاران ژ وی كرییه.
ژ بۆی چاره‌سه‌ركرنا ڤێ پرسگرێكێ، خوده‌یێ مالێ چوو جەم کۆمیتا ب ناڤێ “کۆمیتا بەرسڤدانا گازنان” ل باژارێ سه‌رێكانیێ، لێ به‌لێ وی ئه‌و بێی به‌رسڤا ما.
چاڤکانیێن رەوانگەها سووریێ تەکەز کرن کو کۆمێن چەکدار دەست دانینە سەر مالێن باژارێ سه‌رێ كانیێ و رەد کرنە کو د بن چ شەرت و مەرجان دە وان ژ خوەدیێن وان رە ڤەگەرینن.
