وەکیلێ میرێ ئێزدییان دبێژە، ژ بۆ شنگالی ڤەگەرن باژاری، پیدڤییە پەکەکە و ئەو گروپێن نەرەوا باژاری ڤالا بکن. ژ بەر کو ھەموو دزانن جیھێ خەباتا پەکەکێ کودەرێ یە.
وەکیلێ میرێ ئێزدیان ھەرمان میرزا بەگ ژ بۆ باس نیوسێ راگەھاند: “پێدڤییە پەکەکە بەس یاریا ب مەژیێ خەلکێ بکە و ھەتا ئەو ھێز ل شنگالێ بە، نە خەلک ڤەدگەرە و نە ژی باژار تێ ئاڤا کرن، ئەو یەک ژی دژی ھەموو بەرژەوەندیێن ئێزدیانە.”
وەکیلێ میرێ ئێزدیان گۆت: “پێدڤییە ھەموو بزانن خەلکێ شنگالێ دەنگ ددە کیژان ئالیەکێ، نابە خوە ل شنگالێ بکن ھێزا خوە سەپاندی. د ھەلبژارتنێن پارلامەنتۆیا ئیراقێ دا دیار بوو شنگالی چ و کی دخوازن.”
ھەروھا گۆت: “ئێزدیان تاقەتا کوشتن و شەری نینە. ژ بەر کو دخوازن ب ئاشتی بژین. لێ پەکەکە پشتی 2014ێ ڤە دخوازە ئێزدیان بکشینە ناڤ شەرەکێ دن. پێدڤییە وەک چاوا پێشمەرگە پشتی رزگار کرنا کۆبانێ ڤەگەریا، ب ھەمان ئاوایی پەکەکە ژی شنگالێ ڤالا بکە.”
