ئەنجومەنا نشتیمانییا کورد ل سووریێ (ئەنەکەسێ) راگھاند کو پەیەدێ چەند رۆژ بەرێ ئەندامەکێ وان رەڤاندیە و بانگ ل ھێزێن سووریەیا دەمۆکراتیک (ھەسەدێ) و ئامەریکایێ کر کو داوی ل بنپێکرنان بینن.
ئەنەکەسێ دەربارێ بنپێکرنا مافێن ئەندامێن خوە ل رۆژئاڤا داخویانیەکا نڤیسکی وەشاند.
د داخویانیێ دا ھاتە دیارکرن کو ئاساییشا پەیەدێ رۆژا 4ێ گولانا ئیسال ئەندامێ کۆمیتەیا ناڤەندییا پارتیا گەلا کوردستانێ «حەنان شێخ بەھا» ل باژارێ کۆبانیێ ژ بۆ جھەکی نەدیار رەڤاندنە.
ئەنەکەسێ ھەر وھا داخواز ژ بەرپرسێن پێوەندیدارێن ئامەریکایێ و فەرمانداریا ھەسەدێ کر کو داویێ ل ڤان بنپێکرن و رەڤاندنان بینن کو ب ت ئاوایی خزمەتا ئارامیا ھەرێمێ و بەرژەوەندیێن گەل ناکە.
ئەنەکەسێ د داخویانیێ دا ژ پەیەدێ خواست کو چارەنڤیسا سیاسەتمەدار، رۆژنامەڤان و چالاکڤانێن گرتی ئەشکەرە بکە.
