ل ناڤچەیا کانیا خەزالان یا سەر ب پارێزگەھا رھایێ یا باکورێ کوردستانێ، زارۆکێ ب ناڤێ یووسف یێ 9 سالی ب گوللـەیەکێ کو ب سەرێ وی کەتییه ب گرانی بریندار بوو.
رۆژا شەمبیێ 7ێ گولانا 2022ێ ھات راگه‌ھاندن کو زارۆکێ ب ناڤێ یووسف ژ کانیا خەزالان یا سه‌ر ب پارێزگه‌ها رهایێ یا باكورێ كوردستانێ، ب گولەیەکێ کو ژ باژارێ سەرێکانیێ یێ رۆژئاڤایێ کوردستانێ ھاتبوو، بریندار بوو.
ئەڤ یەک د دەمەکێ دا یە کو سەرێکانیێ د بن کۆنترۆلا ئارتێشا ترکیێ و کۆمێن چەکدارێن ئۆپۆزسیۆنا سووریێ دا یە یێن كو ژ ئالیێ ترکیێ ڤە دهێن پشتگریکرن.
ھات دیار کرن پشتی کو گوللـە ب سەرێ زارۆکێ 9 سالی یووسف کەتی، ژ ئالیێ مالباتا وی ڤە بۆ نەخوەشخانەیەکا تایبەت یا ل کانیا خەزالان ھات راکرن.
یووسف ل بەر مالا باپیرێ خوە یاری دكرن، مالا باپیرێ یووسف ل تاخەکی یه کو 400 مەتران دووری خەتا سنۆری یا د ناڤبەرا باکور و رۆژئاڤایێ کوردستانێ دا یە.
ھات دەستنیشان کرن کو رەوشا تەندورستیێ یا یووسف نە باشە.
