گەلەک جارا و تایبەتی د مەدیا جڤاکی دا بەحسا راستیا سیاسەتا کو پەکەکە رێڤە دبە دهێت کرن، ئەڤ سیاسەت ژ ئالیێ ھندەک کەسان ڤە تێ رەخنە کرن. لێ ئەگەر کوردەک سیاسەتمەدار یان ژی کوردەک کو خوە رەوشەنبیر، ھونەرمەند دبینە ھەتا ڤێ گاڤێ، پشتی ئەوقاس بوویەر و گۆتنا ژ سیاسەتا پەکەکێ تێنەگەهشتبە، ئەو چ جاران ژی تێ ناگەھە.

سیاسەتا پەکەکێ نایێ رەخنە کرن، یان تو قەبوول دکەی و دبیە کۆلە و مرید، یان ژی تو ژ بۆ کو روومەتا ملەتێ کورد بپارێزی ڤەکری ل ھمبەر ڤێ سیاسەتا قرێژ جھ دگری. پەکەکە ب خوە ڤەکری بەحسا راستیا خوە دکە، ل ڤێ دەرێ کێشە نە پەکەکەیە، کێشە ئەو مرۆڤن کو ل دووڤ سیاسەتا پەکەکێ کەتی و پرۆپاگاندەیا وان دکەن.

بێ گومان هندەک سەدەم ھەنە کو خەلکەک ل دووڤ سیاسەتا پەکەکێ دچیت، ئەو سەدەم تەنێ بەرژەوەندیێن کەسۆکی و کەسایەتا لاوازە.

گەلەک جارا بەرپرسێن پەکەکێ راستیا خوە دبێژن، لێ مرید ناخوازن تێ بگەهن.

چەند وێنە و گۆتن کو بەرپرسێن پەکەکێ تێدا راستیا خوە دبێژن.

بەسێ هۆزات ئەنداما رێڤەبەریا پەکەکێ یە و دبێژە: شەنگال نە بەشەک ژ کوردستانێیە، ئەو پارچەیەک ژ ئیراقێیە.

حەنیفا حوسەین ئەنداما سەرکردایەتیا تەڤ-دەمێ یە و دبێژە: بارزانی دخوازە باشوور و رۆژئاڤا بکە یەک و دەولەتەکا کوردی راگھینە. ئەم رێ نادن ڤێ یەکێ. ژ بۆ ڤێ شەر ل شنگالێ چێدبە.

خەتیب دیجلە، بەرپرسەکێ پەکەکێ یە و دبێژە: مە رامانا دەولەتا کوردی ئاڤێتیە سەر گیفکی. نابە برێز بارزانی ژی دەولەتەک کوردی دامەزرینە. دەولەتا کوردی تێ واتەیا مرن و ئێشا کوردا.

گەنەرالەکێ ترک ژی دبێژە: ژ بۆ مە شەر ل گەل پەکەکێ نە گەلەک گرینگە. شەرەکێ ل ژێر کۆنترۆلا مە دا تێ کرن. ژ بۆ مە یا گرینگ ئەوە کو ئەم نەھێلن ل باشوورێ وەلاتێ مە دەولەتەک کورد بهێتە دامەزراندن. مە کاری ئەم بارزانی ب خرابی ژ بۆ کوردێن ترکیا بدین ناساندن، یا گرینگ ژ بۆ مە ئەڤە.